Natale d'autore : Eduardo e le sue poesie

 

TRE PPICCERELLE

Tre ppiccerille

sott' a nu mbrello

duje bruttulille 

 n'ato ochiu' bello,

ochiu' strapatiello

purtav' o'mbrello

a rras' e cappiello.

Tre suricille,

tre mappatelle,

tre ricciulille

sei scarpetelle, 

sei scarpetelle

ch'e' chiuvettielle

ch' e' effettuccelle

ch'è ppurtuselle

Po' vecariello

porte e purtelle:

 c'o' zumpetiello

'a sbutecatella...

Quanta reselle,

quanta resille,

ch'e' llavarelle,

ncopp' 'e mussille!

Tre suricille ,

tre mappatelle .

Tre strummulille.

Sei scarpatelle ...

Chillu cchiu' bello,

Cchillu strappatiello ,

purtav 'o' mbrello

a rras' e cappiello

Eduardo de Filippo

E ALLORA BEVO 

Dint'a butteglia

n'attu rito 'e vino

è rimasto...

Embe'

che fa 

m' 'o  guardo'?

M' 'o  tengo mente

e dico:

"Me  l'astipo"

e dimane  m' 'o bevo?

Dimane nun esiste.

E'o juorno primma

siccome se n'ègghiuto

manco esiste.

Esiste sulamente

stu mumento

'e chistu rit 'e vino int'a butteglia

E che ffaccio

m' 'o perdo?

Che ne parlammo a ffa!

Si m' 'o perdesse

manc' 'a butteglia me perdunarrira

E allora bevo...

E chistu surz' è vino 

vence'a partita cu l'eternità